Монгол Улсын Ерөнхийлөгчийн зарлигаар “Олон улсын хүүхдийн эрхийг хамгаалах өдөр”-ийг тохиолдуулан олон хүүхэд төрүүлж өсгөсөн эхчүүдэд “Алдарт эх” одон гардууллаа. Одонг аймаг орон нутгийн удирдлагууд болон албаны хүмүүс гардуулан өгч алдарт ээжүүдэд болон гэр бүлд нь эрүүл энхийг хүсэн баяр хүргэлээ.

Уг арга хэмжээний үеэр Санхүүгийн хяналт, дотоод аудитын албаны санхүүгийн хяналт шалгалтын улсын байцаагч А.Дөлгөөн “Алдарт эх II” зэргийн одонгоор энгэрээ мялааж байна. А.Дөлгөөндөө хамт олноос нь халуун баяр хүргээд гэр бүлд нь аз жаргал, эрүүл энх, хамгийн сайн сайхан бүхнийг хүсье.

Монголын үрс маш олон болох болтугай.